اعرفى عريسك بدرى بدرى

اعرفي عريسك بدري بدري..

من طريقة أكله ....؟؟؟؟

>

>

>


1- إذا كان عادي يعني لا بياكل بسرعة ولا ببطء ولا دايمًا شبعان ولا

مفجوع على طول.. يبقى شخص معتدل في عواطفه وقراراته ويبقى ده آخر

الرجال المحترمين.. كلبشي.. واستعجلي الزفاف والحياة هتبقى بمبي



2- إذا كان بيحب الأكل زي عينيه.. وأول ما يدخل من الباب وقبل ما يقول

لك ازيك يقول لك ريحة التقلية تجنن ياروحي إنتوا عاملين ملوخية على

أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان

طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟



3- أما إذا كان مش مهتم بالمرة.. لايقولك ده حلو ولا ده عادب ولا مالح



ولا مستوي ولا لسه ني ولا بيعلق أي تعليق.. وعمره مايقولك جعان أو

شبعان يبقى إنسان مالوش لزمه.. وزي قلته.. وأنصحك بدل ما تتجوزيه

إتبنيه.. وهاتعيشي إنتي الراجل والست ف وقت واحد واعملي حسابك

هاتركبيه

وتدلدلي رجلييكي.



4- أما إذا كان بياكل زى مايكون حد بيجري ورااااه وساعة الأكل بيجيله

حالة صرع معوي.. ويقوم من ع الأكل قبل أي حد تاني يبقى متسرع.. ومتهور

في اتخاذ قراراته وممكن بعد الجواااز يكتشف إنك لست ملهمته..ولست فتاة

أحلامه ولستِ حلمه.. ويروح مطلقك بالتلاتة.. إخلعي إنتي بدري أحسن

لكرامتك.





5- أما إذا كان بياكل على مهله.. ويمزمز.. ف كل صنف لوحده.. ويسأل عن

كل صنف إيه مقاديره ومعمول إزاااي ويقعد يستطعم ف الأكل من العصر

للمغرب حاسبي منه يا اختي ده النوع اللي له مخ.. وبيوزن الأمور بطريقه

تفقع المرارة.. ولو في يوم طلبتي منه يقولك كلمة حلوة هايقولك مش عامل

حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي

إيه؟؟ نظااااام شلل رعاش بدري.... بدري.... إخلعي يا أمي




6- أما إذا كان بيقعد يقطع ف الأكل زي مايكون ف خناقة ويخبط فطبق

من الغل.. ويقطع حتة اللحمة زي ما يكون

بيدبحها.. ويتفتف.. ويتكلم.. طول ماهو بياكل لما يغرق وشك أكل.. ده

شخص عصبي جدًاااا.. ومع أول خناقة هايروح مناولك بالكرسي ف راسك أو

بالسكينة ف عينك يعمل لك عاهة مستديمة وبعدين.. يهدى.. ويقول لك:

"سوووري ياروحي هي جت فيكي.. معلش"

""معلش برَّه يا حبيبي وخد الباب ف أيدك""


7-

أما إذا كان دايمًا قرفاااان دايمًا مش عاجبه العجب ولا الصيام في رجب.. يع..

الملوخية تقيلة.. ياي.. السمنة كتيرة على وش الشوربة..

ياساتر.. دا محشي ولاصوابع مووووز.. أووووف.. الرز محصويل.. يامَّه


المكرونة معجنة.. إذا كان كده توكلي على الله وهاتي أحمى ساطووووور

عندك وأنا أعرف لك واحد محامي

هايطلعك منها زي الشعرة م العجيييين




والأحسن من ده كله..... مالها القعدة ف بيت أبووووووووكي؟؟

ههههههههههههههههههه بعد كل دا وتقول بيت ابويااااا ههههههههه ماشى والله احسن من البهدلة شكرا يااااا سكيروتى

هههههههههههههههههه حلوة يناولك الكرسى فى نفوخك دى هههههههههههههه هو يقدر
وبعدين مالها يا طير القعدة جمب مامى وبابى واخواتى زى الفل هههههههههه مش احسن من العاهه المستديمة
ميرسيييييى كتير على التوبيك

شكرا على مرورك طير
انجى

ههههههههههههههههههههههههههههههه

بجد لو هى كدااااااااااااااا

تبقى اعد فى بيتنا بشرفى


نيس توبيك احمد بجد