فزورة.....ادخل وحل

الفزوره
3 اشخاص ذهبوا ليشتروا كاسيت وقال لهم عامل المحل السعر 30 جنيه فدفع كل منهم 10 جنيهات وعندما اتي صاحب المحل قص له العامل ما حدث فقال له ان الكاسيت ب 25 جنيه فقط اذهب ورد لهم ال 5 جنيهات فذهب العامل ولكنه طمع وقال في نفسه انهم ارتضوا بالمبلغ
فقرر ان يعيد لهم 3 جنيهات ويأخد 2 جنيه
اذن كل شخص دفع 10 جنيه ثم استرد جنيه مره اخري اذن كل شخص دفع 9 جنيه
و 9*3= 27 صح ؟ والعامل معاه 2 جنيه يبقي 27+2=29 اذن راح فين بقي الجنيه اللي ناقص ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فى انتظار اجابتكم

طيب مااحنا ممكن نقول الكاست ثمنه25 جنيه ورجعلهم3 جنيه يبقي 28 جنيه والراجل خد 2 جنيه يبقي كده 30 جنيه

حلك طبعا صح ياباشمهندسه لكن فى طريقة الحل المذكوره الجنيه راح فين

شوف يا أشرف أنا متأكد إن إلى خد الجنيه مش من المنتدى ده
أنا شاكك فى العامل
علشان كده إحنا نجيب العامل بأه ونضربه ونكهربه ونعلقه من رجليه لحد ميعترف ويقول الجنيه راح فين

انتوا ليه ظالمين العامل انا عن نفسى شاكه فى اشرف اكيد هو اللى خد الجنيه اعترف يااشرف احنا داخلين على امتحان ومش عايزين نظلم حد

هو لما الجنية رجع لكل واحد كل واحد بقى دفع 9 جنيه تمام وبقي التلاته دافعين 27 جنيه
اللي لاحظته ان الاتنين جنيه اللي ما رجعوش هما اللي اضافوا على ال 25 جنيه يعني احنا عشان نوصل للحل الصح هنضيف ع ال 27 جنية التلاته جنية اللي رجعوا مش الاتنين اللي ما رجعوش وهتبقى 27+3=30 اعتقد انه ده الحل الصح ؟؟؟

لا ياباشمهندس انت كده جمعت التلاته مرتين

بص يااشرف
احنا قلنا ان 3 * 9 = 27 صح
وبما ان العامل معاة اتنين جنيةوصاحب المحل معاة 25 اذن
25+2= 27

ورجع لكل واحد جنية يبقى 30

وفية حل تانى

ان الجهاز بـــ 25 اقسمهم ع التلاتة هيدى
8.3 وشوية كسور اجمع عليهم الجنية
هيدى 9.3 وشوية كسووور
هتضربهم فى تلاتة هيدى 27.999
اجمع عليهم الــ 2 بتوع العامل
يعنى هيكون التلاتين ناقصين قرش واحد بس

اختار اى حل فيهم وقلى

شكرا ع الفزورة