الأم وما اعظمها.........

[
هذة قصة من واقع الحياة قصة حدثت بالفعل مع الدكتور جميل والى فى السنة الاولى من تخرجه وتؤكد هذة القصة ان الأم قريبة من الله

بدأت القصة عندما وقفت الأم اما باب غرفة العمليات تحمل طفلها الصغير بين يديها ولسانها لا يكف عن الدعاء لينقذه الله.....
اما الطفل المسكين فلم يسكت لحظة عن الصراخ هذا المسكين يتألم بشدة وتحس الأم ان الصرخات تمزق قلبها وتكاد تدميه..
وصل الدكتور جميل مرتديا معطفه الابيض والى جواره طبيب البنج واقتربت احدى الممرضات من الأم ومدت يدها لتأخذ منها طفلها وحيدها ولتدخله غرفة العمليات ولكن الأم ظلت ممسكة بطفلها ...وظل الصغير متعلقا برقبتها والام تتوسل
وتقول:الله يخليك ادخل معه والنبى يا بنتى تسمحى لي ادخل معه لا يمكن اسيبه يدخل العمليه وحده والنبى يا بنتى
سمع الدكتور جميل صراخ الأم ولكنه لم يهتم له كثيرا فقد اعتاد ان يسمع مثل هذه الصرخات من الامهات قبل القيام بالعمليات واخذ يستعد ووقف فى انتظار الطفل ولكنه لم يسمع غير اصوات استغاثة وتوسلات الأم راجية الدخول بابنها غرفة العمليات
فخرج الى الأم وحاول اقناعها ولكنها كانت فى حالة من التأثر ودموعها غطت وجهها ووجه الطفل صغيرها
فقال لها الطبيب:ارجوك اطمئنى سأبذل كل جهدى والباقى على الله
الأم:الله يخليك يا دكتور ده وحيدى ادخل معاه غرفة العمليات مقدرش اسيبه لوحده
الطبيب:لكن دا ممنوع منعا باتا...فاهمة...؟؟؟
الأم :فاهمة والله ...لكن
الطبيب:دى مش المسألة دى حاجة عمرها ما حصلت لا يمكن يا ستى ابدا
الأم: والنبى يا دكتور ربنا يخليك وينجى ليك ولادك ويعطيك الصحة والعافية
الطبيب: ارجوك يا ستى انت بالطريقة دى ممكن تسببيلى ضرر كبير
الأم: وحياتك يا دكتور احلف لك انى اقعد فى ركن الغرفة وحدى اصلى وادعى ربنا
الطبيب: اقعدى ادعى ربنا وصلى هنا جنب باب الغرفة
الأم:قلبى حاسس يا دكتور انى لو دعيت ليه فى نفس غرفة العمليات ربنا هينجيه
وهكذا حاول الطبيب اقناع الأم ولكن كلماتها كلها كانت تنطوى على اللهفة والرجاء والابتهال ان فى قلبها الما كبيرا احس به الطبيب وكلمها بصوت هامس رائع
وقال لها:لكن مش عاوز اسمع اى صوت بالمرة
قالت : ولا صوت ولا نفس والله...والله
اخيرا سمح لها بالدخول وجلست الأم فى ركن بعيد من الغرفة الواسعة كان المنظر رهيبا بالنسبة لها وبدأت تصلى وبدأ الطبيب الشاب يجرى عمليته فى مهارة وفجأة الجهاز الذى يوضح ضربات القلب بدأ يضطرب والنبض بدأ يضعف والطفل حياته فى خطر وعندئذ قال طبيب البنج: ما تتعبش نفسك مفيش فايدة
صرخ الدكتور :اسكت انت ناسى امه معانا فى الغرفة
والتفت الطبيب للأم وتوقع منها ان ترفع صوتها صارخة ولكنها كانت تصلى
توقف القلب عن الحركة الجهاز لا يعمل شدت الممرضة الملاءة البيضاء على الطفل الصغير
وفى ذات اللحظة ارتفع صوت الأم قائلة: يا رب ..يا الله
وحدثت المعجزة تحرك الجهز مرة اخرى عاد النبض الى القلب رفع الطبيب الملاءة بسرعة واكمل الملية
انتهى الطبيب من عمليته بنجاح واتجه ناحية الأم وقبل يدها انها عمليته الاولى وتمت بنجاح وقال مبروك يا ستى حصل معجزة حقيقية وخرج الطبيب
ومن وراءه دكتور البنج وقال :مبروك العمليه نجحت الله كان معنا
ولقد اصبح هذا الطفل الصغير الان جراح كبير

بجد القصة دى اثرت فيا جااااامد وفهمتنى اد ايه الام عظيمة واد ايه هى قريبة من الله سبحانه وتعال معلش اعزرونى لو طولت عليكوا بس لازم كلنا نكرم امهاتنا اللى تعبوا علشانا

نيس توبيك انجي

مشكوررررره يا إنجى

فيرى نيس توبيك بجد

جميل جدا يا انجى

security91
broken_heart
محمد دوريتوس
maged
القلــــ المجروح ـــــب
ميرسى يا جماعة على ردودكم نورتوا التوبيك ومنورين المنتدى كله

جميل جدااا القصه دي ياانجي

ميرسى يا ايمى على ردك منورة التوبيك يا قلبى ويا رب دايما منورة توبيكاتى