ياريت كل الفرقة تقرأ الكلام دا مفيد

دلوقتى عايز كل واحد يعرف راسه من ......ويحدد مستقبله والقسم اللى هيدخله

1. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج...
2. مواد اتصالات تشبة مواد كهرباء اوى لان اتصالات جزء من كهلرباء اصلا ...
3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص....
4. و ينقسم القسم الى حاسبات و الكترونيات1.طبية هى عبارة عن خليط من مواد قسم ميكانيكا على كهرباء على مواد طبيه احياء و كيميا عضويه.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة حيكون من المتفوقين

عمارة

1. قسم عمارة دة بقى قسم البنات او الاولاد اللى بيحبوا يقعدوا وسط البنات...!!!! او المواهب طبعا...
2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص.
3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص
4. يعنى ممكن ايام المشاريع تقعدى شغالة مثلا لغاية 12 ليلافى الكلية
5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى-
6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين
اما بقى القسم الوحش بقى
مـــدنـى

2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول
3. القسم دة مشكلتوا ان تسليم الشيتات بيكون تقريبا اسبوعى طول السنة
4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....
5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض
6.مجال شغلة مش بطال بس فية سنة بهدلة شوية
7. واللى نفسة يبنى عمارات و سدود و كباري و انفاق يدخل مدنى على طوول
معليشى الموضو طووووووووووووويل بس مش ممل ياريت تقروه كله
وربنا معاكم

ميرسى يا بشمهندس ابراهيم على المعلومات
ربنا يعينا على اللى هندخله
تسلم ايدك توبيك جميل

شكرا على الإفاده يا هيما وتقريبا إنت كده جبت من الأخر وفى إنتظار جديدك

شكرا ليك يا هيما على المعلومات دى وعلى فكرة قسم عمارة دا للعنده

دماغ رايقه يعنى ممكن تقول اصعب اصعب قسم دا بعد ميكانيكا طبعا

ومنيين بقى هانجيب الدماغ الرايقة


شكرا على التوبيك

ومنور المنتدى

ياعم سيبها لله اللى فيه الخير هيكون باذن الله

العفو يا جماعة احنا فى الخدمة ولا بلاش احنا فى هندسة خدمة جنبنا

شكرا ع الافاااااااااااااااااااااااااده ياباش مهندس ابراهيم

شكرا يا بشمهندس على النصايح الغاليه بجد انت بينتلنا حاجات كتير

اهم حاجة ان كل واحد يحد القسم اللى بيحبه لانه هيبقى موهوب فيه

شكرا يا باشمهندس علي الافاده
وانا متابع يا جماعه الاعمال العمرانيه في اوروبا و الامارات ونمازج الاوتوكاد 3d وبقول ان القسم ده روعه

اقصد بهذا الكلام عن قسم عماره