لعبة اسئلة

هو فعلا ممكن يكون في حب عن طريق الشات بس العلاقه مش بتستمر كتير بيكون في شك متبادل بين الاتنين يعني بيكون حب وهمي
ميرسي علي التوبيك يابشمهندس فكرته جميله بجد

السؤال بتاعي بقي وعايزه اجابه بصراحه
اخر مره صارحت نفسك بانك غلطت واعترفت بغلطك ده قدام الي انت غلطت فيه وياتري تقبل اعتزارك ولالا ؟؟؟؟؟؟؟؟؟؟؟؟؟؟؟؟؟

ههههههههههههههههههه ايه السؤال دا مظبوط عليا
اخر مرة صارحت فيها نفسى كانت امبارح والحمد لله قبل اعتزارى

ااامممممم ازاى تنسى حد حبيته بجد وهو محسش حبك او مقدرش يحبك؟؟؟؟؟؟؟
عايزة اجابة تكون انت لو فى الوضع دا هتعملها

يارب تكون اللعبة عجبتكم يا جماعة
بلنسبة لسؤال انجى بقى
صدقينى ياانجى الحب الاولانى ده بيبقى اطهر وانقى حب واجمل حب واسئلى مجرب وبعدها مش بتكرهى الحبيب الا اذا كان سابك وهو اللى طلب منك كده علشان حجات تافهة
انا كرهتها صحيح بس عمرى مانسيتها بعدها مهائيا


سؤالى انا بقى
من اللممكن ان تتحول الصداقة الحب
ولكن هل يتحول الحب الى صداقة ام لا؟

اه طبعا ينفع بس لو فكرنا بالعقل مش جرينا ورا احزانا او فرحنا يعنى ورا القلب بسسسسسسس ينفع اكيييييييييييييييد

سؤالى انا

ايه اكتر موقف محرج حصلك فى الدلتا ( لو انت من الدلتا ) ؟
لو من برا الدلتا ..... ايه اكتر موقف حصلك ف المنتدى ؟

ممممممممممم وناا كنت ماشى مرة فى الكلية بس فى معهد خدمة اجتماعية لقيت واحدة من خدمة جتلى وقالتلى خد ياواد انت اديك عشرة جنيه وتلف معايا نص ساعة؟؟!؟!!؟
انا فعلا كنت محرج





سؤالى انا
ايه اكتر شئ ممكن انك متستحملوش من صديق؟؟؟

انى ادى لواحد معاد وينفض او يجيلى بعد المعاد بمده

سؤالى::::::::



ايه اكتر حاجة عجبتك ف المنتدى

اممممممم ان الكل متعاون وبنحب بعض

سؤالى: ليه سعات بنلاقى جرح من اللى بنحبهم واللى المفروض انهم بيحبونا
بيعملوا كدا ليه؟؟؟؟؟

ليه سعات بنلاقى جرح من اللى بنحبهم واللى المفروض انهم بيحبونا
بيعملوا كدا ليه؟؟؟؟؟


اكيد مش بمزاجهم ومحدش بيقدر يزعل حد منه بمزاجه او باراداته اذا كان بييحبه وعلى العموم حاولى تتقبيلهم كمان هم او تعدلى منهم للاحسن اذا كنتى بتحبيهم فعلا؟
سؤالى انا بقى؟
حاجة لو ضاعت منك ممكن تزعل وتتحسر عليها وتموت كمان؟

لو حاجه ضاعت مني مش هنكر اني هزعل عليها لكن مش لدرجه اني اموت نفسي يعني لان اتعودت دايما ان الحاجه الي بتضيع مني بتكون مش من نصيبي بس بضايق بس لاني ممكن اكون اتعلقت بيها مش اكتر





السؤال :اكثر صفه فيك مش كويسه وشايف ان كل الي حواليك بيضايقوا منها وانت مش عارف تغيرهااااااااااااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ياريت نجاوب بدون احراج

مش عارفة والله يا ايمى بس انا صحابى عمرهم ما قالوا انهم اضايقوا منى فى حاجة
اكيد مش ملاك عشان مغلطش يمكن هما بيحبونى زيادة عن اللازم عشان كدا مش شايفين عيوبى او يمكن هما مش مصارحنى بيها عشان مزعلش الله اعلم
بس انا مضايقة من نفسى لانى سعات بحس انى بقصر فى حق ناس بحبهم من غير قصد



سؤالى : ايه اكتر حاجة بتحب تعملها كل يوم؟؟؟؟؟؟

بعمل ايه بشرب القهوة بتاعتى على طول سؤالى انا بقى هو ليه الناس بتفهم بعض غلط؟

أممممم مش عارف والله ليه الناس بتفهم بعض غلط
بس خلينا نقول يمكن يكون الشخص ده غلط فعلا وممكن يكون صح بس تصرفاته غلط وممكن نقول التسرع فى بعض الأحيان هو إلى بيخلى الناس تكون عننا صوره وفكره سريعه فى الأغللب بتكون غلط
بصراحه فى أسباب كتير جدا إننا نفهم ناس حولينا غلط أسباب منها الظروف إلى عرفنا فيها الشخص ده الزمن المكان المود إلى إحنا فيه بس المشكله إننا بعد ما بنكون فكره غلط عن شخص معين نادرا لما بنحاول نعمل تقيم للشخص ده من جديد بنفضل واخدين عنه الفكره الغلط فى حال إن الشخص ممكن يكون الظروف هيا إلى خلته يبان فى نظرنا غلط

سورى على كتابتى الكتيره دى بس أنا من الناس إلى للأسف كتير جدا إتفهمت غلط


سؤالى بأه

نتخيل إن إنت فى شخص بتعامله بحسن نيه وهو بيبان إدامك إنه بيحبك وبرده بيعاملك بحس نيه بس الحقيقه إنه بيكرهك من جواه ومع ذالك عمرك ما أسأت له ولا حصل بينكم خلاف تعمل أيه وهتعامله إزاى ؟

امممممممم شوف انت اولا لازم تتاكد انه بيكرهك ولا لا لان مش معقول بيكرهك ويعاملك كويس وميحصلش بينكم خلاف
ثانيا انا اللى هعمله انى لما اتاكد اروح اتكلم معاه واشوف هو ليه زعلان منى او بيكرهنى بطريقه كويسه
اما فى المعامله فبرضو هفضل اعامله كويس فى الحالتين سواء بيكرهنى او مش بيكرهنى بدام معاملته كويسه معايا مقدرش غير انى اعامله كويس


تعمل ايه لو انت المعروف بتاعك بيتردلك باساءه واللى تخاف عليه ميخفش عليك ويتكلم عليك وحش مع ناس تانيه ويتجنبك هتعمل ايه وتعامله ازاى مع العلم انه عزيز عليك جدا؟؟؟؟؟؟؟؟؟؟

معرف ميتردش والله أنا شايف إن لو واحد بيعمل معروف بجد فأكيد مبيكونشى مستنى له رد وبعدين لو أنا فى شخص عزيز عليا ومتجنبنى أكيد هكلمه وأشوف فى أيه وليه هو واخد جمب منى وسعتها هعرف بأه لو زعلان منى هحاول أصلح الموقف إلى مزعله ولو مش زعلان وبيتجنبنى وخلاص يبأه أنا مش عزيز عليه المهم إن أسمع منه


سؤالى

لو فى صاحب معين بيحاول يتحكم فيك ويسيطر عليك ويعلق على أفعالك وأقولك وكل شىء وبيقولك تكلم مين ومتكلمشى مين يعنى عايزك ترجع له فى كمل شىء حتى تعاملاتك مع الناس إلى حوليك ياترى هتعمل أيه؟؟؟؟

اظن انك يامحمد قلت صاحب اصل انا من وجهه نظري ان الصحاب بيكونو روح واحده بجد فكون ان صاحبي يكون عايز يملكني ده مش عيب بالعكس من رائي ده حب بجنون وانا بحب الحب ده وزي كمان ماهو بيتعامل معايا كده انا بتعامل معاه بنفس الطريقه وبقوله يعمل ايه وميعملشي ايه كده يعني زي ماقلتلك روح واحده



هل هزمك حزنك في يوما من الايام ؟

سؤال صعب الاجابه عليه
ولكن يمكن ان اقول
نعم........ دئما حينما اضع رأسي على وسادتي يسيطر علي الحزن وانهمر بالبكاء
لكن يوجد لي أمل بالتفائل
ويمكن ان اقول
لا ........ فاْننى مازلت فى صراع مع حزنى ولا اعلم الى اين سينتهى بى المطاف ومن سيفوز بالنهايه



سؤال بالعاميه
ليه الناس لما تكون ممرتش بتجربة حب قبل كده تتمنى ان هيا تحب ؟

وليه لما تكون مرت بتجربة حب وتفشل فيها تكره الحب ومتحاولش تحب تانى ؟