حوار بين زملكاوى عبيط وزملكاوى عاقل

العبيط: الاهلي المحظوظ اتعادل معانا.
العاقل: ممكن تقولي فين الحظ بالظبط؟ هو من امتى احراز هدف في اخر دقيقة بقى اسمه حظ؟ اشمعنى احنا لما بنجيب جون في اخر ثانية بنقول ان ده اصرار وروح عالية

العبيط: لاعبي الاهلي وجماهيره فرحانين بالتعادل معانا... ده معتاها اعتراف بالتفوق الزمالكاوي
االعاقل: اي فريق في العالم يبقى مغلوب ويتعادل في الوقت الضائع بيفرح، وده مش معناه اعتراف بالتفوق، لكن دي فرحة بتحويل الهزيمة الى تعادل، بالذات ان الهدف اكثر من رائع

العبيط: وماذا عن الاحتفالات الاهلوية بعد المباراة؟
العاقل: اولاً ده احتفال بلقب الدوري بعد ان تم حسمه تقريبا، وكان الحسم هايتأجل ماتشين بحالهم لو كنا كسبنا
تاني حاجة ده احتفال بفشل المهمة الزمالكاوية بالفوز على الاهلي، وافساد فرحة الدوري، وتحقيق الانجاز الاسطوري للعميد حسام حسن... وبيني وبينك لو كنا كسبنا كنا هانحتفل احتفالات رهيبة ونفضل نغيظ فيهم للصبح، لما كل الهليلة دي تبوظ، وبهدف عالمي، وفي الوقت الضايع، وياخدوا الدوري، مش كل ده يستحق الاحتفال؟

العبيط: بس احنا كنا مقعطينهم، وضيعنا فرص كتير، وكنا ماسكين كورة، وكنا بنوصل لجون الاهلي بسهولة... وده معتاه ان الزمالك قادم بقوة
العاقل: للاسف انت علشان عبيط بتصدق حسام حسن والاعلام الزمالكاوي... لو كنت بتتفرج على ماتشات الاهلي الاخيرة، كنت هاتلاقي ان كل الفرق الي بتقابل الاهلي بيظهر عليها التألق...
المحلة الي هاتهبط فازت عالاهلي...
المقاولين المهدد بالهبوط كان يصول ويجول امام الاهلي...
حتى بطل زيمبابوي المجهول، احرج الاهلي وكان ماسك كورة وبيوصل لمرماه كتير جداً...

وكل الفرق الاخرى بتبان رائعة قدام الاهلي، لأن الاهلي ببساطة ليس في مستواه، ويمر بمشاكل معينة في تلك الفترة... وليس من العقل ان نوهم انفسنا بالتفوق او ان حسام حسن مالوش حل، لمجرد اننا مسكنا كورة امبارح..

وحكاية ان الزمالك قادم دي فكك منها... حسام حسن مسك الفريق تقريبا في نص الدور الاول، وكان فيه فترة توقف كبيرة... وخد فرصته وزيادة... مافيش سحر هايحصل الفترة الي جاية...

ولو انت مش عبيط كنت هاتعرف ان دي كاستال السنة الي فاتت مسك الفريق بعد بداية الدور التاني، ومع ذلك عمل نتايج روعة، وكان الزمالك شكله اكتر من رائع، ولكنا قلنا دي كاستال ده من الموسم الجاي، ومع المجموعة الحالية الجديدة، حازم اماما والميرغني وصبري راحيل وشريف اشرف...الخ، هايكسروا الدنيا السنة الجاية بعد الصفقات الجديدة وبعد فترة الاعداد...

لكن يا ترى ايه الي حصل؟ نتايج زي الزفت وفشل... ولا اللعيبة استمرت، ولا دي كاستال استمر...

يعني مستوى الزمالك السنة الجاية مش هايبقى رهيب زي مانت فاكر... ونتايج الزمالك بالفعل ابتدت في التراجع، ونشوة البداية وحماس التغيير ابتدا يختفي... فماتحطش امل كبير قوي على السنة الجاية.. هو اخرنا السنة دي.... والسنة الجاية هانبدأ من الاول خالص وماحدش يعرف ايه الي هايحصل...

وبلاش عبط بقى...

نيس توبيك الاول بس الزمالك بجد لعبه بيعجبنى ى مااااااااضى بس برده


الاهلى مريسة


وشكرا على التوبيك






خد بالك .. بركات ده داهية
ده لو جالك .. مافيش هزار
ده يوماتى ... بركات هنا
مسخناتى ... مولعها نار
بركوتا .. جاب الجون و دبحلهم القطة
من الخضة في ناس جاتلهم جلطة
ثبت عبد الواحد ع الثابتة .. و عقلهم طار
خد بالك .. خد بالك

مشكووووووووووووور

نيس توبيك يا ماضى

نايس توبيك ياماضى