جامده كيك اوي

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

هههههههههههههههههههه انا بقول بلاش طمع وماشيه رغيف بس
تسلم ايدك ى بشمهندس توبيك جميل ومنور المنتدى

توبيك هايل ي ماجيكو تسلم ايدك

طب بالله عليك يامعلم تشحتلى وطن معاااااااااااااك



فل يا معلم

منور المنتدى يا صحبى بمواضيعك الجامده

الله يخليكو والله
دوريتوس حبيب قلبي ميرسي جدا لذوقك
ـــــــــــــــــــــــــــــــــــــــــــــــــــــــــــــــــــــــــــــــــ
قيصر باشا صديق العمر والله انا بيتي مفتوح لك ف اي وقت هههههه
ـــــــــــــــــــــــــــــــــــــــــــــــــــــــــــــــــــــــــــــــ

المهندس ديابي والله المنتدي منور بناسه وميرسي جدا لذوقك
ــــــــــــــــــــــــــــــــــــــــــــــــــــــــــــــــــ
انجي علي ميرسي جدا بس انا تسلم ايدي علي ايه

تسلم ايدك على التوبيك ى بشمهندس

ميرسي جدا ياذوق