احساس مؤلم بس طريف

لشاعر هشام الجخ وقصيدة مؤثرة
يقول:
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا حلوه
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لاجل الغزاه
ويعنى ايه لما ابقى ماشى فى حالى اتشد اشتباه

زى الفل يا معلم الشاعر دا المفروض ياخد جائزة افضل شاعر لسنتة

نيس توبيك يا باشا ومجهود رائع تسلم إيدك

انا تحت امركم يارجاله
اشرف ودوري وقيصر ميرسي جدا

انا تحت امركم يارجاله
اشرف ودوري وقيصر ميرسي جدا