وكمان نكت جديدة لاحلى طلبة فى احلى معهد

واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى؟"
_____________
واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد....
______________
زوجة ماشية فى عزاء جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين
____________

طفل من الهنود الحمر سأل أبوه
بابا أحنا ليه كل أسامينا طويلة ومعقدة ومركبة من كلمات كتيرة كده ؟
الأب: يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها
"الشمس المشرقة المطلة بين السحب الكثيفة"
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه
"الامطار الغزيرة وسط البرق اللامع "
دي عادة قبائلنا طوال الازل
ثم أنت ايه اللي مزعلك يا " كلبين بيناموا جنب الخيمة"؟؟

______________

سألو محشش مين اهم الشمس
ولا القمر؟؟؟؟؟؟؟
قال طبعا القمر لأنه اذا طلع ينور
لنا الظلمه اما الشمس تطلع
بالنهار والدنيا منوره اصلا
________________

لاتستخدموا
بف باف لانه منتج دنماركي
انشر تؤجر

صرصور مطلع اشاعه!!!!

________________
اتنين مساطيل راكبين عربيه خبطوا واحد فالسائق بيقول للى جنبه انزل شوفه مات ولا لسه
قاله السكران : تعالى يمين شويه ..ايوه..شمال سنه صغيره ..اطلع لقدام ...بس كده مات
_____________

واحد عنده لدغه فى حرف الشين فمثلا يقول ششششششششششششارع فيوم راح يشترى شاورما فسار من اول الطريق يقول شششششششششششش لغايه ما راح عند المحل قاله ششششاورمه
قام الرجل قاله نعم عايز ايه قاله ربنا يخدك هات واحد هامبرجر