خليني اشوف النبي الكريم في المنام !!

على فكرة يا جماعة دي قصة بجد و حصلت في عصرنا دا

يحكى أن راجل عادي جدا حب يسأل شيخ جامع عن طريقة يقدر بيها يشوف النبي صلى الله عليه و سلم في منامه
راح الراجل لشيح كل الناس بتحبه و بتنتفع من علمه و سأله
و ألح عليه في السؤال
الشيخ التفت له و ابتسم و قاله عاوز تشوفه حقيقي في المنام؟
الراجل جاوب و قاله طبعا
الشيخ رد عليه و قاله خلاص النهاردة قبل ما تنام تاكل سمك كتير و حادق كتير و نام على طول
الراجل اندهش لكن عمل كدا فعلا و نام
راح تاني يوم يقول للشيخ انه محصلش حاجة
الشيخ سأله و قاله انتا حلمت بإيه ليليتها
الراجل الفلاح البسيط قاله شوفت نفسي واقف و فإيدي قلة مية و عمال بشرب
إبتسم له الشيخ و قاله .. عشان كنت محتاج للمية و كنت من جواك نفسك تشرب لإنك فعلا كنت عطشان و لما يبقا اشتياققك لرؤية الرسول الكريم اشتياق الحاجة الضرورية أكيد هتشوفو